Përvjetori i Marrëveshjes së Ohrit, qeveria dhe opozita maqedonase në aktivitete të ndara

Në aktivitete të ndara të pushtetit dhe opozitës shqiptare, Maqedonia e Veriut përkujton sot marrëveshjen konizë të Ohrit e cila i dha fund konfliktit disamujor në vend në vitin 2001.

Në një panel diskutimi në përkujtim të nënshkrimit të marrëveshjes, zëvendëskryeministri i parë, Izet Mexhiti tha se marrëveshja është për shtetin e jo për pjesëmarrje të një partie politike në pushtet.

“Maqedonia e Veriut do të përparojë nga një shtet me marrëveshje në një shoqëri të marrëveshjes, pra nga një shoqëri pas konfliktit, funksionimi i së cilës garantohet me një marrëveshje paqeje, detyra jonë është ta bëjmë Maqedoninë e Veriut një shoqëri moderne, në të cilën institucionet do të pasqyrojë barazi të plotë në çdo nivel dhe dimension të funksionimit”, tha Mexhiti.

Ndrsa kryetari i Bashkimit demokratik për integrim Ali Ahmeti, në një aktivitet organizaur nga fronti demokratik tha se vendi mund të ecë përpara vetëm përmes marrëhdënieve të mira ndëretnike.

“Në radhë të parë në mes komuniteteve më të mëdha shqiptarëve dhe maqedonasve. Maqedonasit si komb mund të përparojnë vetëm duke qenë në komunikim dhe harmoni të mirë e në marrëdhënie me shqiptarët, përndryshe i gëlltitin serb, bullgarët dhe grekët”, u shpreh ai.

Qeveria e Maqedonisë së Veriut mbajti gjithashtu një seancë në përkujtimit të marrëveshjes së Ohrit ndërsa gjatë ditës janë organizuar edhe aktivitete të tjera. /vizionplus.tv