Rrëzohet avioni, humb jetën politikani suedez

Biznesmeni suedez Carl Lundstroem, bashkëthemelues i faqes së paligjshme të ndarjes së skedarëve The Pirate Bay, ka vdekur në një aksident avioni në Slloveni, sipas medavie vendase.

Policia sllovene konfirmoi të mërkurën për AFP se gjeti një trup – “me gjasa të pilotit, një shtetas suedez” – por nuk pranoi ta identifikonte atë në pritje të kërkimit mjeko-ligjor.

Avioni u rrëzua në një kabinë prej druri në zonën Velika Planina të Sllovenisë veriore të hënën, por moti i keq i pengoi shpëtimtarët të merrnin trupin deri të martën.

Partia suedeze e ekstremit të djathtë Alternativa për Suedinë tha në një postim se Lundstroem kishte vdekur në aksident.

“Lundstroem, një legjendë dhe veteran i nacionalizmit suedez, vdiq në një aksident avioni të hënën”, thuhet në postim.

Lundstroem, 64 vjeç, ishte nisur me aeroplanin e tij Mooney M20 nga kryeqyteti i Kroacisë Zagrebi duke u nisur për në Cyrih në Zvicër, shtoi ajo.

Lundstroem ishte nipi i themeluesit të prodhuesit më të madh në botë të bukës së freskët Wasabroed.

Themeluar në vitin 2003, The Pirate Bay u lejon përdoruesve të shmangin tarifat e të drejtave të autorit dhe të ndajnë muzikë, film dhe skedarë të tjerë përmes lidhjeve peer-to-peer të ofruara në faqe.

Suedia është përpjekur vazhdimisht t’i japë fund aktiviteteve të The Pirate Bay. Gjykatat suedeze kanë dhënë tashmë dënime me burg dhe gjoba të rënda për Lundstroem dhe themeluesit e tjerë.

/vizionplus.tv