Frenohet rritja e çmimeve në Shqipëri, ekspertja analizon faktorët

Treguesit aktualë makro dhe mikro vënë në pah se rritja ekonomike në vendin tonë është në nivel të qëndrueshëm. Ekspertja e ekonomisë, Teuta Nunaj theksoi se Shqipëria duhet të mbështesë më shumë sektorët e prodhimit dhe shërbimet, dhe ta vërë fokusin kryesor tek sektorët, të cilët kontribuojnë me marzh të lartë në kthimin e investimeve. […]

Korrik 9, 2024 - 17:25
 0
Frenohet rritja e çmimeve në Shqipëri, ekspertja analizon faktorët
Reklamë
Reklamë

Treguesit aktualë makro dhe mikro vënë në pah se rritja ekonomike në vendin tonë është në nivel të qëndrueshëm. Ekspertja e ekonomisë, Teuta Nunaj theksoi se Shqipëria duhet të mbështesë më shumë sektorët e prodhimit dhe shërbimet, dhe ta vërë fokusin kryesor tek sektorët, të cilët kontribuojnë me marzh të lartë në kthimin e investimeve.

“Rritja ekonomike është e qëndrueshme”, tha ajo. Ajo foli dhe për uljen e inflacionit në Bashkimin Evropian dhe ndikimin e tij në ekonominë shqiptare. Sipas Nunajt, Shqipëria shumë produkte i importon nga vendet e eurozonës, ndërsa një ulje çmimi në vendin e origjinës ku sigurohen këto produktet do të ndikojë automatikisht në uljen e çmimeve në vendin tonë. “Objektivat e Bankës Qendrore Evropian dhe të Shqipërisë janë të ndryshme, janë të ndryshme, sepse nivelet e zhvillimit janë të ndryshme. Ky stabilitet i eurozonës është importuar dhe në stabilitetin e inflacionit në Shqipëri. Kemi një sasi të madhe importi nga zonat e BE, dhe në këtë formë importojmë dhe stabilitetit dhe në këtë pjesë themi se nuk është risk ulja e inflacionit nën 3%. Është brenda normave të kontrolluara nga Banka e Shqipërisë”, tha ajo.

E pyetur nëse Shqipëria ka kaluar fazën e “krizës në çmime” dhe lëvizjen e shpeshtë të tyre, për këtë shqetësim të konsumatorëve, ekspertja bëri këtë shpjegim: “Unë gjykoj se po, sepse kjo rënie ka ardhur nga fundit i 2023. Ka ardhur gradualisht në zbritje. Ka pësuar një rënie të vazhdueshme dhe graduale, nuk ka rënie galoponte. Përgjatë 2024 do realizohet objektivi i Bankës për të mbajtur inflacionin nën kontroll”. Gjatë muajit qershor, niveli i inflacionit në Shqipëri zbriti në nivelin 2.1 për qind, duke krijuar një lehtësi për konsumatorët.

Reklamë
Reklamë

What's Your Reaction?

like

dislike

love

funny

angry

sad

wow

albanianlive AlbanianLive.com mbetet zgjedhja e parë për një lexues i cili kërkon të informohet me saktësi për një lajm. Misioni jonë kryesor është paanshëmëria dhe profesionalizmi dhe për këtë janë të punësuar gazetarët më të mirë në tregun mediatik.