EURO 2024/ “Plas” te Gjermania, mbrojtësi i Real dhe sulmuesi i Dortmund gati të zihen me grushta

Edhe pse shihen si pretendentë për të fituar kampionatin Euro 2024, edhe për faktin se zhvillohet në Gjermani, situata te “panzerat’ nuk është aspak e mirë.

Ditët e fundit situata te skuadra e Nagelsman duket se po rëndohet gjithnjë e më shumë. Pas përplasjes në heshtje mes Neuer dhe Ter Stegen e cila është rindezur sërish, një tjetër përplasje ka ndodhur gjatë stërvitjes së fundit.

Antony Rudiger i Real Madrid dhe sulmuesi i Dortmund Fullkrug duket se nuk i kanë lënë pas zënkat e finales së Champions League, duke i vijuar edhe në stërvitjen e Gjermanisë.

Gjatë seancës stërvitore Rudiger ka ndërhyrë ashpër ndaj Fullkrug, i cili ka reaguar menjëherë duke e sharë mbrojtësin me ngjyrë të kombëtares gjermane, është dashur ndërhyrja Sandro Vagner, asistentit Nagelsman, që përplasja mos shkonte në përdorimin e grushtave.

Menjëherë pas kësaj ngajrjeje, Rudiger ka zhvilluar stërvitje personale, duke bërë vrap rreth kampit stërvitor, ndërsa Fullkrug ka vijuar lojën.